JYNSY ISLEGIŇ BOLMAZLYGYNYŇ SEBÄBI

Hormatly Serik!

Ýumurtgajyklara alnan islendik şikeslenme lukmana ýüz tutmaga görkezme bolup durýandyr. Siziň alan şikeslenmäňiziň görnüşini we getirip biljek gaýraüzülmelerini dine lukmanyň barlagyndan we ýumurtga haltajygynyň USB-dan soň kesgitläp bolar. Ýumurtgajyklaryň şikeslenmegi bedende erkeklik gormony bolan testosteronyň derejesini peseldip, jynsy islegiň peselmeginiň sebäbi bolup biler. Ruhdan düşmän we wagt ýitirmän lukmana ýüz tutuň. Barlag we bejergi üçin siz S. Niýazow adyndaky bejeriş we maslahat beriş merkeziniň urologiýa bölümine ýa-da bejeriş merkezleriň androlog lukmanlaryna ýüzlenip bilersiňiz. Size bu kynçylykdan çalt çykmagy we sagalmagy arzuw edýärin!

Hormat bilen, saýtyň lukmany.