MAŇYZLAR DÜWÜRTIGE SEBÄP BOLÝARMY?

Hormatly Myhman!

Pissedir maňyz öz düzüminde doýgun däl ýaglaryň 71-86%-ni, witaminleri, aminoturşulyklary saklap, diýseň ýokumly iýmit hasaplanýar.

Derisi ýagly, düwürtikli adamlara maňyzlary iýmekden hemişe saklanmaly diýen düzgün ýok. Peýdaly taraplary köp bolan bu önümlerdäki belok käbir adamlarda allergiki täsirliligi döredip, deride örgünleriň, düwürtikleriň, gijilemeleriň ýüze çykmagyna getirip biler.

Şonuň ýaly-da, olary käbir iýmit-siňdiriş ulgamynyň kesellerinde (meselem, pankreatit) kabul etmek maslahat berilmeýär. Deriniň ýagdaýynyň bolsa bu ulgamyň işine baglydygy bellidir.

Agzalanlardan başga ýagdaýlarda maňyzlary kadaly mukdarda kabul etmäge garşy görkezmeler bellenilmeýär.

Hormat bilen, Lukman.