Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
COVID-19 ENE SÜÝDÜNIŇ ÜSTI BILEN ÝOKUŞYP BILÝÄRMI?
COVID-19 wirusynyň ene süýdi arkaly çaga geçýändigine henize çenli duş gelinmedi. Wirusdan gorkup çaga emdirmegi bes etmeli däl.
COVID-19 wirusly ene çagasy doglan badyna ony gujagyna alyp ýa emdirip bilýärmi?
Hawa. Täze doglan çagany enäniň gujagyna almagy bäbegiň temperaturasyny sazlaýar we onuň diri galmagyna kömek edýär. Şeýle-de, ene gujagynda goýlan çaga emmegi çalt öwrenýär – bu hem onuň diri galma mümkinçiligini artdyrýar.
Çagany gujagyňa almagyň we emdirmegiň berip bilýän peýdalary COVID-19 bilen bagly mümkin bolan töwekgelçiliklerden has köpdür.
Çaga emdirýän enä aşakdakylary berjaý etmek maslahat berilýär:
↪ Elleri wagtly-wagtynda sabyn ýa-da alkogolly serişde bilen arassalamaly. Esasan hem çagany ellemezden öňürti.
↪ Çaganyň ýakynyndaka we emdirende lukmançylyk maskasyny dakynmaly.
↪ Salfetkanyň içine üsgürmeli we asgyrmaly. Soňra salfetkany zyňyp, elleri ýuwmaly.
↪ Elleýän ýerlerini dowamly arassalap we dezinfisirläp durmaly.
↪ Öl bolan lukmançylyk maskasyny derrew täzesi bilen çalyşmaly. Maskanyň ýüz tarapyny ellemeli däl we ony ikilenç ulanmaly däl.
- 1804 gezek okalan
