Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
MEDISINA MASKALARY KISLOROD ÝETMEZÇILIGINE SEBÄP BOLÝARMY?
FAKT: Dogry geýlen medisina maskalaryny uzak wagtlap geýilmegi CO2 zäherlenmesine ýa-da kislorod ýetmezçiligine sebäp bolmaýar.
Medisina maskalaryny uzak wagtlap geýmek oňaýsyz bolup biler, emma muňa garamazdan, bu CO2 zäherlenmesine ýa-da kislorod ýetmezçiligine eltmeýär. Medisina maskasyny geýeňize ol ýüzüňizde ykjam, kynçylyksyz dem alar derejede berk oturmalydyr ýa-da daňylmalydyr. Hiç haçan bir gezeklik maskalary gaýtadan ulanmaň we ol ölenen badyna çalşyň.
Çeşme: BSGG
Medisina maskalaryny howpsuz geýmegiň usullary
Dogry:
✓ Maskany ellemezden öň elleriňi ýuw;
✓ Maskada ýyrtyk ýa deşik bar-ýoklugyny barla;
✓ Maskany ýokary gyrasyny tap: metal bölejikli ýa-da gaty gyrasyny;
✓ Reňkli (gök) tarapyny daşyna edip geý;
✓ Metal bölejikli gyrasyny burnuň üstünde goý;
✓ Burnuňy, agzyňy we eňegiňi ýap;
✓ Gyralary açyk galmaz ýaly edip, ýüzüňe ykjam geý;
✓ Maskany elleme;
✓ Maskany gulagyň ýa-da kelläň arkasyndan geçýän ýüplerinden tutup aýyr;
✓ Maskany çykaran wagtyň üstüňe we beýleki zatlara degmez ýaly edip çykar;
✓ Ulanandan soň ony derrew agzy ýapyk zibil gutusyna at;
✓ Maskany ataňdan soňra elleriňi dogry edip azydan 20-30 sek ýuw.
Ýalňyş:
? Ýyrtyk ýa-da nemli, öl maska ulanma;
? Maskany diňe burnuňy ýa-da agzyňy ýapýan görnüşde edip geýme;
? Maska ýüzüňde gowşak daňylan bolmasyn, sallanyp durmasyn;
? Maskanyň öň tarapyny elleme;
? Gürläňde maskany aýyrma ýa-da maskany, ýüzüňi ellemegiňi talap edýän hereketleri etme;
? Ulanan maskaňy beýlekilere elýeterli ýerde goýma;
? Maskany ikinji gezek ulanma.
Maskanyň ýeke özüniň COVID-19-dan goramajakdygyny unutma. Hat-da maskaly wagtyň hem beýlekiler bilen araňda azyndan 1 metr aralyk sakla we elleriňi tiz-tizden we gowy edip ýuw.
- 1602 gezek okalan
