Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
AŞGAZAN AGYRY
Hormatly okyjy!
Öňki beren soragyňyzda, beýan eden alamatlaryňyzdan ugur alyp, sizde gastrit keselini çak etmäge esas döredi. Lukmanyň barlagyndan hem-de geçirilen anyklaýyş çärelerinden soň takyk kesel kesgidiniň bellenýänligini ýene bir gezek nygtasym gelýär. Gastrit keseliniň bejergisi onuň geçişine (ýitimi ýa-da dowamly), kliniki görnüşine, aşgazan şiresiniň işlenip çykaryş aýratynlyklaryna baglylykda bellenilýändir. Onuň bejergisi ýörite berhizi, aşgazan ýygrylmalarynyň öňüni alýan serişdeleri, aşgazanyň nemli örtügini dikeldiji serişdeleri, iýmit siňdiriş fermentleri, keseliň gowşan döwründe sanator-kurort bejergini geçirmekden düzülen bolup, belli bir iýmitleniş düzgününi talap edýändir. Şular babatda has doly maglumaty almak üçin saýtymyzda ýerleşdirilen "Gastrit: görnüşleri, alamatlary, bejergisi we berhizi" atly makala bilen tanyşmagyňyzy maslahat berýäris.
Hormat bilen, saýtyň lukmany.
- 11834 gezek okalan