Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
ELLERDE DÖREÝÄN SIŇŇILLER
Hormatly okyjy!
Papillomawirus ýokançlygynyň täsiri bilen döreýän siňňilleriiň bejergisinde, görnüşine baglylykda 5% erginli tebrofen melhemi, çistoteliň spirtli ergini, podofillin serişdeleri, hirurgiki usul bilen kesip aýyrma, diatermokoagulýasiýa, sowuk howa akymynyň (kriobejergi) täsiri, lazeriň täsirini ulanma ýaly çärelerden peýdalanylýar. Bedene wirusyň edýän täsirini azaltmak hem-de kesellere garşy durnuklylyk ulgamynyň işini ýokarlandyrmak maksady bilen immun ulgamyny güýçlendiriji serişdeleri hem tapgyrlaýyn ulanma ýerlikli bolar. Siňňilleri aýyrmak maksady bilen ulanylýan serişdeleriň, sag deriniň bölegine düşende ýakyp bilýändigini ýatdan çykarmaly däldir. Siňňilleriň görnüşine, ýaýraýyş häsiýetine baglylykda degişli bejergini almak üçin dermatolog lukmanlaryň maslahatyny almak peýdaly bolar.
Hormat bilen, saýtyň lukmany.
- 3882 gezek okalan
