Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.

GURAK DERI

  • Lukman
1 1 1 1 1 Gyzyklylygy: 5.00 (1 Ses)

Hormatly okyjy!

Deriň guraklygy özbaşdak  kesel bolman, ol dürli deri  keselleriniň (galtaşykly dermatit, atopiki dermatit, teňňeli demrew, ihtioz, ekzema) nem alamaty hökmünde ýüze çykyp biler. Ondan başga-da, gormonal bozulmalar, süýji keseli, peşew çykaryş we iýmit siňdiriş ulgamyň keselleri, nädogry iýmitlenme  hem deriň guramagynyň sebäbi bolup bilýändirler. Deri daşky täsirler netijesinde hem (güýçli ýel, ultramelewşe şöhleler, gury howa, sowuk howa, tozan we başgalar) guraksy bolup biler. Belki-de, deriňiziň guramagynyň gyş aýlary güýjäp, tomus aýlary kadalaşmagy gury, sowuk howa, deriniň üstki gatlagynyň ýeterlik nemlendirilmezligi bilen baglydyr. Beýle ýagdaýda köçä çykylanda elligiň geýilmegi, derini nemlendirýän, onuň üstki gatlagyny goraýjy örtük bilen örtýän  serişdeleriň ulanylmagy degerli netijeleri berip biler. Deriniň gurama ýagdaýy geçmeýän bolsa dermatolog lukmany bilen maslahatlaşma zerur bolar.

Hormat bilen, saýtyň lukmany.

  • 3391 gezek okalan