Salam hormatly Lukman! Biz käbir sebäplere görä uzak wagtlap jynsy gatnasykda bolup bilmedik (60-90 gün). Erkek adam hiç hili goşmaça derman serişdelerini ulanmazdan, 12-16 sagadyň dowamynda 10 ya-da ondan hem köp jynsy gatnasyk etse, munuň erkek we zenan ücin zyýany barmyka? Belki, şeýle ýagdaýdan soň haýsydyr bir görülmeli çäreler bardyr. Şu barada maglumat beräýseňiz…

Saýtyň okyjysy.

Salam, hormatly lukman!

Jynsy isleglerde aýal maşgala bilen erkegin arasynda tapawut barmy? Eger bar bolsa, tapawudy nähili? Şeýle tapawutlylygynyň sebäbi nämekä? Giňişleýin gürrüň berseňiz, minnetdar bolardym.

Saýtyň okyjysy.

Salam Lukman! Göwrelilik döwründe jynsy gatnaşyk bolup bilermi? Eger şeyle edýän adamlar bar bolsa, bu çaganyň saglygyna, aýalyň saglygyna zyýanlymy? Şeýle gatnaşygy saklamak bolýan bolsa, onuň ýygylygy nähili bolmaly? Jogabyňyz üçin minnetdar.

Saýtyň okyjysy.

Hormatly lukman! Men yakynda içmden bir zat tutup, hassahana bardym. Hassahana baranymda içimden tutan agyry goýberdi. Lukmandan soranymda, ol maňa munuň köriçegedigini aýtdy. Şol wakadan soň şolar ýaly agyry gaýtalanmasa-da, ýakyn wagtda ýene gaýtalar diýýärler. Ýöne bu bardy-geldi dowamly köriçege bolsa, şeýle tutgaýlaryň gaýtalanmazlygy mümkinmi? 

Saýtyň okyjysy.

Salam, Lukman! Meniň arkamda dowamly agyry bar, süňklerimiň birleşýän ýeri agyrýar. Gijelerini biynjalyk edýär, ýatyp bilemok. Kyn görmän, munuň sebäbini düşündiräýiň.

Saýtyň okyjysy.

Salam, hormatly lukman! Meniň soragyma jogap çykmady welin, ýazanlarym barmandyr öýdýän. Soragymyň mazmuny şeýledi: Jynsy isleglerde aýal maşgala bilen erkegin arasynda tapawut barmy? Eger bar bolsa, tapawudy nähili? Şeýle tapawutlylygynyň sebäbi nämekä? Giňişleýin gürrüň berseňiz, minnetdar bolardym.

Saýtyň okyjysy.

Salam, gadyrly lukman!

Ilki bilen şeýle saýty gurnan administratorlara we olar bilen hyzmatdaşlyk edýän lukmanlara minnetdarlygymy bildiresim gelýär. Men öz saglyk meseläm boýunça size ýüz tutýaryn: maňa ýürek tahikardiýasy we gipoksiýasy diýip kesel kesgidini goýdular. Men 26 ýaşymda, durmuşa çykmadyk. Ýokarda agzalan diagnoz meni ýarym ýyl bäri köseýär. 1 ýyl mundan öň newroz keseline duçar boldum, onuň bejergisini alyp gutuldym. Ýöne meniň şu wagtky ýagdaýyma şol keseliň täsiri barmyka öýdýän. Ýüregim rahat ýagdaýda minutda 104 gezek, işleýän wagtym 120 gezek urýar. Ýüregimiň nädogry işlemesi edil şu wagt o diýen bildirmese-de, soňunda bir oýny bolaýmasyn diýip howatyrlanýaryn. Ýüregim aram-aram edil gursagymdam çykaýjak ýaly bolup urýar. Ýüregimiň çalt urmasy üçin diňe korwalol içýärin, entek başga bejergi alamok. Şonuň üçin-de, ýüregimiň tahikardiýasyny we gipoksiýasyny bejermek üçin bir bejergini salgy berseňiz, bu keseliň haýsy sebäplere görä döreýändigini aýtsaňyz, sizden köp hoşal bolardym. Işiňizde üstünlik arzuwlap, jogabyňyza sabyrsyzlyk bilen garaşýaryn.

Saýtyň okyjysy.

Salam, lukman! Men 17 ýaşymda. Harby gulluga hasaba alyşdan geçenimde, mende ýasydabanlylygyň bardygyny aýtdylar. Ýasydabanlylyk nämeden döreýär? Ony nädip bejermeli?

Saýtyň okyjysy.

Hormatly lukman! Göwredäki çaga 1 aýdan 9 aýa çenli nähili ösýärkä? Oňa näçe aýda jan girýär? Ol haçan hereket edip başlaýar? Şu zatlar barada gürrüň berseňiz, hoşal bolardyk.

Saýtyň okyjysy.

Salam, Lukman! Men 1990-ýylda doglan bolup, boýum 160sm. Ýöne men öz boýumy ösdüresim gelýär. Bu mümkinmikä?

Saýtyň okyjysy.