Hormatly lukman! Ýüzdäki ýakaly nädip aýyrmaly? Maslahat berseñiz, hoşal bolardym.

Merwli.

Salam, hormatly lukman! Nahar wagtynda, naharyň ýanyndan çaý, kähalatlarda bolsa kisel içilýän wagtlary bolýar. Kiseli her gün içmek erkegiň/zenanyň jynsy islegini peseldip bilermikä?

Saýtyň okyjysy.

Salam, Lukman aga! Men yasydabanlykdan nädip dynyp bilerin? Gayrat edip, şu barada bir maslahat beräyiň!

Hormat bilen, saýtyň okyjysy.

Salam, hormatly lukman! Men häzir 17 yaşymda. Meniň gözüm 5 ýyyldan bäri gowy görmeýär, men daşdaky zatlary onçakly saýgaryp bilemok. Men köplenç telefona güýmenýärin.Telefona 30-40 minutdan köp güymensem, gözüm ýakyndaky zatlary hem saýgarmaýar. Öýdaki çyra seretsem, älemgoşar görünyär. Gözümin görüşi ýyl-ýyldan erbetleşýär Men äynek ulanmaýaryn.Bu howply keselmi?

Saýtyň okyjysy.

Salam, hormatly Lukman! Men häzir 49 ýaşymda. Men 45 ýaşymdakam, bagrymdan ehinokokky aýyrtmak üçin operasiýa edildim. Operasiýa şowly geçdi, ýöne bagrymyň daşynda az-kem yza (agyry) bar. Soňky wagtlar çep dyzymda hem agyry peýda boldy. Lukmana ýüz tutsam, gan basyşyňyz dyzyňyza urupdyr diýip, bejergi belledi. Ýöne bu bejergi netije bermedi. Men papawerin, sinepar, magniy, trental dermanlaryny kabul etdim, melhemleri ulandym. Gadyrly Lukman, Sizden kömek etmegiňizi haýyş edýärin.

Saýtyň okyjysy.

Salam, hormatly Lukman! Kämahal güýçli kelleagyrylarym bolýar. Hatda iki güne çekýän wagtlary hem bolýar. Şonda gijelerine-de uklap bilmeýärin.   Şeýle agyryny nädip ýeňilleşdirmeli?

Jahan.

Salam, hormatly Lukman! "Gyzyl meý" näme: arakmy, piwomy ýa-da şerapmy? Şuny aýdyňlaşdyryp, onuň saglyga edýän täsiri barada aýtsaňyz hoşal bolardym. 

Hormat bilen, Şatlyk.

Salam, hormatly Lukman! Meniň inimiň çagasy bolmaýanlygy üçin androlog lukmana ýüz tutduk. Lukman oňa "Aspermiýa" diýip kesel kesgidini goýupdyr. Lukmanlaryň görkezmesi boýunça birnäçe gezek bejergi aldyk, emma peýda bermedi. Inim 2004-nji ýylda talyp wagty ýumurtgalyklarynyň gyzaryp çişendigini we Wişnewski melhemi bilen çişini köp wagtyň dowamynda gaýtarandygyny maňa aýtdy.Men ol diagnozy Orhit diýip hasaplaýaryn. Birnäçe gezek antibiotikler bilen bejergi alandygyna garamazdan, täzeden barlaga baranda şol öňki diagnozy. Kemsinýär, kiçelýär, iýeni ýüzüne çykanok. Gan analizinde Toksoplazmoz ýaly ýa-da başga wirus ýok. Şol keseliň spermatogrammadan başga analiz usuly, tohum geçirýän damarlaryň, ýumurtgalygyň başgaça usullaryny we bejergisini maslahat berseňiz Size minnetdar bolardyk!

Saýtyň okyjysy.

Salam, Lukman! Gormonal dermanlary saglyk ýagdaýyna zerur bolup ulanylanda, olar adamy semredip bilermi? Semretmez ýaly näme çäre görüp bolýar? Jogabyňyza sabyrsyzlyk bilen garaşýan.

Owadan.

Salam, lukman! Men 18 ýaşymda. Meniñ dilim günde gaýnayar. Nahar iýip bilemok. Pomidor we hoz iýsem beterleyar. Soñ ýakyn dogan-garyndaşymyz ýumurtganyn sarysy bilen nowakaýin garyp çalmaly diýdi. Menem edil aýdyşy ýaly etdim, ýöne hiç hili täsir etmedi. Şony nädip gaýnamaz yaly edip bolýar? Edilýän belli bir emi barmyka?

Saýtyň okyjysy.